Pas një humbjeje të madhe, DJ Dagz ka ndarë një mesazh prekës për babain e tij, duke shprehur dhimbjen dhe krenarinë për njeriun që e ka udhëhequr në jetë.
Një ditë pas ndarjes nga jeta të babait të tij, ai ka postuar një fotografi të tij në rrjetet sociale, duke e shoqëruar me një dedikim të thellë emocional. Në këtë mesazh, Dagz kujton mësimet dhe vlerat që babai i tij i ka lënë pas.
“Babë na le, po na le me faqe të bardhë”, ka shkruar ai, duke theksuar se krenaria për të atin është e madhe dhe se trashëgimia e tij do të jetojë përherë në zemrat e atyre që e kanë njohur.
Dagz e përshkruan të atin si një njeri të dashur dhe pozitiv, duke theksuar se veprat e tij të mira dhe fjalët e ngrohta që njerëzit kanë thënë për të, po e lehtësojnë dhimbjen e tij në këtë moment të vështirë.
Ai shprehu besimin se shpirti i babait të tij tani po gjen paqe, ndërsa shpreson që një ditë të takohen sërish në botën tjetër, për të vazhduar planet që mbetën pa u realizuar.
Në fund, DJ Dagz falënderoi të gjithë ata që i kanë qëndruar pranë familjes në këtë periudhë të vështirë, duke u uruar atyre shëndet dhe ditë të mira.
Kjo është një dëshmi e thellë e dashurisë dhe respektit të tij për babain, duke e bërë këtë dedikim një moment të paharrueshëm për të dhe për ata që e njohin.
