Elton Tozaj ka dalë sërish në skenë me akuza të rënda, këtë herë duke e drejtuar gishtin ndaj kryetarit të Bashkisë së Kolonjës, Erion Isai. Kjo deklaratë e tij ka shkaktuar një valë reagimesh dhe ka ngjallur kuriozitetin e opinionit publik.
Fillimisht, Tozaj e nisi këtë episod me një postim në Instagram, ku shkruante “Këtu! Plera e radhës”. Më pas, gjatë një transmetimi LIVE, ai përmendi emrin e Isait dhe theksoi se ka informacione të rëndësishme lidhur me sjelljen e tij ndaj punonjësve meshkuj të bashkisë.
“Ti nuk duhet të jesh më kryetar i Bashkisë Ersekë. Ti nuk duhet të jesh më brenda zyrave. E di pse? Ta tregoj unë arsyen. Mirë se erdhët në botën e kryetarit të Bashkisë Kolonjë”, u shpreh Tozaj.
Tozaj zbuloi se gjatë denoncimeve të tij ka përjetuar kërcënime dhe përpjekje për ta bindur të ndalojë, madje duke iu ofruar para. Ai nuk zbuloi emrat e atyre që e kanë kontaktuar, as prova për këto pretendime.
“Kam pasur kërcënime nga më të ndryshmet dhe s’kam për të ndaluar, këtë ta ngulni mirë në kokë. Unë s’kam për t’u shitur. Jam kontaktuar nga këta persona dhe më janë ofruar shuma të mëdha parash dhe jo, nuk i kam pranuar”, deklaroi ai.
Akuza më e rëndë e Tozajt është se Erion Isai ka kërkuar favore seksuale nga punonjës meshkuj. Ai tha se njeh identitetin e disa prej personave të përfshirë, por vendosi të mos i publikojë emrat e tyre.
“Ky zotëria, Erion Isai, kërkon favore seksuale nga punonjës meshkuj. I di dhe emrat dhe drejtorët, por nuk do të përmend emra”, tha Tozaj gjatë transmetimit.
Deklaratat e tij u shoqëruan edhe me publikimin e disa mesazheve private, të cilat Tozaj pretendon se janë shkëmbyer mes Isait dhe një mashkulli tjetër. Kjo situatë ka nxitur reagime të shumta në rrjetet sociale dhe ka hapur një debat të gjerë mbi etikën dhe sjelljen në institucionet publike.
