Katerina ka ndarë për herë të parë emocionet e saj pas lindjes së vajzës, duke zbuluar një periudhë të vështirë dhe sfiduese në jetën e saj. Ajo ka folur hapur për ndjenjat e saj dhe për sfidat që ka përballuar, duke përfshirë edhe situatat e vështira që lidhen me komunikimin me Arnoldin dhe kërkesën e tij për testin e ADN-së.
Ajo ka përshkruar muajt e shtatzënisë si një rrugëtim të mbushur me vështirësi, ku mungesa e Arnoldit e ka bërë gjithçka edhe më të komplikuar. Katerina theksoi se frika e saj më e madhe gjatë atyre momenteve nuk ishte për veten, por për shëndetin e foshnjës së saj. Ajo falënderoi ata pak njerëz që e mbështetën dhe i dhanë forcë në këtë periudhë të vështirë.
Ndërsa përballeshin me sfidat publike, Katerina zbuloi një goditje të rëndë personale që i ishte mbajtur fshehur nga familjarët për ta mbrojtur nga stresi para lindjes: ndarja nga jeta e gjyshes së saj, një figurë shumë e rëndësishme në jetën e saj.
Duke kujtuar momentin kur mori vesh për këtë humbje të madhe pas lindjes së vajzës, ajo shprehu emocionet e saj me fjalë të ngrohta:
“Sa linda vajzën, isha shumë e mërzitur sepse humba gjyshen dhe s’ma kishin thënë. Më duhej ta përjetoja edhe këtë dhe thashë ‘pse të gjitha këto tek unë, pse duhej ta përballoja këtë’, kur ajo më kishte rritur mua. Ma fshehën, s’më merrte në telefon gjyshja, më gënjyen… Ka ndodhur dy ditë para se të lindja, dhe vetëm pasi linda e kuptova lajmin e hidhur.”
Rrëfimi i saj është një dëshmi e forcës dhe qëndresës përballë sfidave të jetës. Ndiqeni videon e saj për të dëgjuar më shumë rreth kësaj historie prekëse.
