Kim Kardashian ka bërë Londrën skenën e saj të modës, duke tërhequr vëmendjen gjatë festimeve për hapjen e dyqanit të parë europian të SKIMS në Regent Street.
45-vjeçarja u shfaq gjatë mbrëmjes me disa ndryshime të njëpasnjëshme në veshje, duke treguar edhe një herë stilin e saj të guximshëm dhe tërësisht të fokusuar te silueta.
Në fillim të mbrëmjes, Kim u fotografua me një kostum me print gjarpri, të cilin e kombinoi me një xhaketë lëkure dhe këpucë me taka. Ajo u pa gjithashtu duke takuar mikun dhe parukierin e saj të njohur, Chris Appleton. Por ky ishte vetëm fillimi.
Më vonë, ylli i “The Kardashians” zgjodhi një fustan ngjyrë nude-kafe, shumë të ngushtë pas trupit, me detaje lidhëse dhe dekolte të theksuar. Pjesa e poshtme e fustanit ishte gjysmë transparente, duke e bërë look-un edhe më provokues. Kim e kompletoi me taka me lidhëse dhe grim të theksuar.
Fustani ishte një krijim i personalizuar nga stilisti Ludovic de Saint Sernin dhe u konceptua posaçërisht për Kardashian. Dizajni kombinonte një pjesë në tonalitetin e lëkurës me detaje metalike, lidhëse dhe material transparent që ndiqte linjat e trupit. Por Kim nuk e mbylli mbrëmjen me këtë pamje.
Për festën pas eventit të SKIMS, ajo ndërroi sërish dhe u shfaq me një veshje tjetër ngjyrë kafe, të ngushtë pas trupit, me detaje lidhëse.
Ndërkohë, disa raportime kanë numëruar edhe një tjetër ndryshim gjatë mbrëmjes: një set me shkëlqim, i përbërë nga një top i shkurtër dhe një fund i gjatë në formë sirene, me detaje metalike. Kjo e çon në katër numrin e look-eve të raportuara nga disa media për atë natë.
Gjithçka ndodhi në kuadër të hapjes së dyqanit të parë të madh europian të SKIMS në Londër. Dyqani në Regent Street shtrihet në rreth 12 mijë metra katrorë dhe përmban koleksionet kryesore të markës, nga veshjet e përditshme dhe shapewear deri te linjat për meshkuj dhe aksesorët.
Eventi mblodhi edhe emra të tjerë të njohur të botës së muzikës, modës dhe televizionit, ndërsa Kim ishte padyshim një nga figurat kryesore të mbrëmjes.
Dalja e saj në Londër vjen në një periudhë të ngarkuar edhe në jetën personale. Kardashian është parë së fundmi disa herë me pilotin e Formula 1, Lewis Hamilton, me të cilin shijoi edhe një darkë në Londër para eventit të SKIMS.
Të nesërmen, dyshja u fotografua duke eksploruar Londrën me biçikleta “Lime”, përpara se të ndalej për çaj tradicional britanik.
