Kendall Jenner bëri debutimin e saj në tapetin e kuq të Festivalit të Filmit në Venecia, duke zgjedhur një fustan vintage nga arkivat e Giorgio Armani.

Modelja 30-vjeçare u shfaq në premierën e filmit “Wild Horse Nine”, duke tërhequr vëmendjen me një pamje elegante dhe të sofistikuar.

Jenner veshi një fustan të bardhë, pa mëngë, nga koleksioni vjeshtë-dimër 1995 i Giorgio Armani-t. Veshja ishte e zbukuruar me detaje florale në nuanca të arta dhe elemente shkëlqyese, duke i dhënë një pamje glamuroze pa pasur nevojë për aksesorë të shumtë.

Fustani me siluetë të ngushtë kishte një dekolte të rrumbullakët, rripa të hollë dhe një pjesë të pasme të hapur. Kendall e kompletoi pamjen me vathë diamanti nga Briony Raymond dhe sandale elegante nga Aquazzura.
Për flokët, ajo zgjodhi një stil të lirshëm me onde të buta dhe ndarje zig-zag në pjesën e sipërme, duke ruajtur një estetikë të thjeshtë dhe klasike.

Kjo ishte hera e parë që Kendall Jenner parakaloi në tapetin e kuq të Festivalit të Filmit në Venecia.
Ajo ndodhet në qytetin italian si pjesë e angazhimit të saj me Armani Beauty, pasi këtë vit u bë imazhi global i aromës “Power of You” të Emporio Armani.

Zgjedhja e një fustani nga viti kur ajo vetë lindi i dha look-ut edhe një detaj simbolik. Në vend të një krijimi të ri, Jenner zgjodhi një pjesë arkivore që riktheu në vëmendje elegancën e Giorgio Armani-t të viteve ’90.

Me këtë paraqitje, Kendall dëshmoi edhe një herë se moda vintage mund të përshtatet në mënyrë moderne, duke e kthyer një krijim të vjetër më shumë se tri dekada në një prej momenteve të spikatura të tapetit të kuq në Venecia.


