Një nënkolonel i ushtrisë ruse ka humbur jetën, pasi automjeti me të cilin po udhëtonte bashkë me bashkëshorten e tij është hedhur në erë.
Komiteti Hetimor i Rusisë njoftoi se ka nisur një procedim penal lidhur me ngjarjen, por nuk konfirmoi se viktima ishte pjesëtar i ushtrisë. Ndërkohë, kanali Mash në Telegram e cilëson viktimën si ushtarak.
Video me origjinë të paqartë, të publikuara nga kanale lokale në Telegram, tregojnë forca policie dhe ekipe shpëtimi në një rrugë të bllokuar, e cila është mbushur me mbetje dhe pjesë të automjetit të shkatërruar nga shpërthimi.
⚡️ A Russian lieutenant colonel’s car was blown up in St. Petersburg
The serviceman was killed at the scene, while his wife was hospitalized.
According to preliminary reports, an improvised explosive device detonated inside the car.
In the Slavyanka neighborhood, where the… pic.twitter.com/6xMfnUV32W
— NEXTA (@nexta_tv) August 27, 2026
Rusia ka akuzuar më herët Ukrainën për një seri vrasjesh dhe atentatesh ndaj zyrtarëve të lartë ushtarakë dhe personave të lidhur me përpjekjet luftarake të Moskës.
Në disa raste, burime ukrainase kanë marrë përsipër përgjegjësinë për sulmet, ndërsa në raste të tjera i kanë mohuar akuzat.
Deri më tani, nuk ka pasur një reagim të menjëhershëm nga Ukraina lidhur me shpërthimin e sotëm në Shën Petersburg.
Vetëm pak ditë më parë, më 13 gusht, një oficer rus u vra në një shpërthim me bombë në Krime, territor i aneksuar nga Rusia. Pas ngjarjes, autoritetet ruse arrestuan një grua, e cila u konsiderua e dyshuar për vrasjen e tij. Sipas autoriteteve ruse, ajo e kishte kryer sulmin në emër të shërbimeve sekrete ukrainase.
