Rafael Leao mund të mbetet te Milani edhe për sezonin e ardhshëm, pasi sulmuesi portugez raportohet se ka ndryshuar mendim për largimin nga “San Siro”.
Sipas mediave italiane, Leao nuk është bindur nga ofertat e paraqitura nga klubet turke si Fenerbahçe, Galatasaray dhe Besiktas, ndërsa interesimi i pritshëm nga Premierliga dhe La Liga nuk ka ardhur, transmeton Klankosova.tv.
Milani kërkon të paktën 50 milionë euro plus bonuse për ta lejuar largimin e tij dhe nuk pranon huazim me opsion apo detyrim blerjeje.
Portugezi tashmë është bashkuar me përgatitjet nën drejtimin e trajnerit Ruben Amorim dhe raportohet se po përshtatet mirë me stafin e ri teknik. Atmosfera pozitive në ekip dhe ndikimi i bashkëkombësit Gonçalo Ramos mund ta kenë shtyrë Leao-n të rishikojë të ardhmen e tij te klubi italian.
