Tre zjarre për momentin janë aktive në Maqedoninë e Veriut njoftoi pasditen e sotme drejtori i QMK-së Muhamed Ali. Sipas tij zjarre ka në komunën e Likovës, Brvenicës, dhe në Butel. Ai tha se shumica e zjarreve në vend kryesisht shkaktohen nga deponitë e egra dhe faktori njeri.
“Prej 1 gushtit tani kemi gjendje krize për zjarret ku kam aktivizuar dhe shtabin në kuadër të Qendrës për Menaxhim me kriza ku punon 24 orë edhe sot pse është ditë feste po punohet dhe çdo aktivitet i zjarrit po menaxhohet me sukses. Ndalesë rreptësisht në pyje për persona të paautorizuar dhe normalisht në bashkëpunim me MPB-në po bëjmë kontrolle nëpër terrene ku mund të ketë vatër zjarri”, theksoi Muhamed Ali, drejtor i Qendrës për Menaxhim me Kriza.
Ali njofton se tre persona janë të ndaluar nga policia për shkak dyshimit se kanë shkaktuar zjarr.
“Aty ku kemi sistem momentalisht nuk kemi zjarre. Kemi pasur vetëm një zjarr në deponi të egër d.m.th zjarri doli nga kontrolli nga deponia. -Në cilin vend? Në Vallandovë. Te deponitë e kemi një projekt së bashku me ministrinë e ambientit jetësor ku vetëm kemi vendosur një kamerë në deponinë në “Neë Star” në Vizbeg, planifikojmë të vendosim në shumë deponi të egra”, theksoi Muhamed Ali, drejtor i Qendrës për Menaxhim me Kriza.
Përndryshe gjatë 24 orëve të fundit janë regjistruar gjithsej 30 zjarre në hapësira të hapura në Maqedoninë e Veriut.
