Heidi Klum ka tërhequr vëmendjen me paraqitjen e saj gjatë pushimeve në ishullin St. Barts, në Karaibe, ku u fotografua duke shijuar një ditë relaksi në plazh së bashku me familjen.
Supermodelja 53-vjeçare u shfaq me bikini ngjyrë vjollcë, duke vënë në pah fizikun e saj të tonifikuar teksa kalonte kohë në det dhe shijonte motin e ngrohtë.
Me flokët e kapur, syze dielli dhe nxirjen karakteristike, Klum u pa në humor të mirë gjatë gjithë ditës, ndërsa nuk munguan momentet e relaksit në bregdet.
Në pushime e shoqëronin vajza e saj, Leni Klum, partneri i kësaj të fundit, Aris Rachevsky, si dhe djali i modeles, Henry. Pjesë e familjes ishte edhe qenushi i tyre, Fritz, nëntë muajsh, të cilin Heidi e adoptoi nga një strehë për kafshë në fillim të këtij viti.
Dalja e saj në plazh vjen pak javë pasi modelja zbuloi një detaj interesant nga jeta private. Heidi tregoi se bashkëshorti i saj, muzikanti Tom Kaulitz, e kishte nxitur të shtonte disa kilogramë, duke i thënë se dukej edhe më bukur me një figurë më të plotë.
Ajo pranoi se komenti i tij e kishte surprizuar fillimisht, duke pasur parasysh standardet e rrepta të industrisë së modës, ku për vite me radhë dominoi ideja e dobësisë ekstreme.
Modelja theksoi gjithashtu se nuk ka ndërmend të përdorë medikamente për humbje peshe, duke shtuar se me kalimin e viteve ka mësuar ta pranojë trupin e saj dhe t’i japë përparësi shëndetit dhe mirëqenies, në vend të standardeve të pamundura të bukurisë.
