Një avion i vogël u përplas me rrokaqiellin “China Zun”, ndërtesa më e lartë në distriktin Chaoyang të Pekinit, duke shkaktuar alarm tek autoritetet kineze. Aksidenti ndodhi pasditen e së premtes (26 qershor), rreth orës 18:00 me orën lokale.
Sipas raportimeve paraprake, avioni u shkatërrua plotësisht nga përplasja, ndërsa mbetjet e tij u shpërndanë në zonën përreth godinës. Nga impakti u dëmtuan edhe dy xhama të rrokaqiellit.
Pamjet që qarkullojnë në rrjet tregojnë copat e avionit duke rënë në tokë, ndërsa nga kati përdhes i ndërtesës ngrihej një re e dendur tymi.
#BREAKING
A light aircraft has crashed into China’s tallest building
The small aircraft crashed into China’s Zun CITIC Tower in Beijing, the city’s tallest skyscraper at 109 stories and 528 metres
The aircraft, a Sunward SA 60L Aurora (registration B-12PP) is a two-seat… pic.twitter.com/vI6kZ3NUdU
— Nabila Jamal (@nabilajamal_) June 26, 2026
Deri më tani nuk ka një bilanc zyrtar për viktimat, ndërsa autoritetet vijojnë operacionet dhe hetimet për të zbardhur shkaqet e aksidentit.
Sipas mediave lokale, avioni ishte i tipit B-12PP. Piloti ishte nisur nga aeroporti Xifosi rreth 30 minuta para aksidentit dhe po përgatitej të kthehej për ulje, kur mjeti fluturues devijoi papritur nga trajektorja e planifikuar.
Ndërtesa “China Zun”, e cila ngrihet rreth 518 metra mbi tokë, u evakuua menjëherë pas incidentit. Sipas informacioneve paraprake, nuk raportohet për persona të lënduar brenda rrokaqiellit.
Shkaqet e aksidentit mbeten ende të paqarta, ndërsa pritet një njoftim zyrtar nga autoritetet kineze për bilancin dhe rrethanat e ngjarjes.
