Presidentja e Costa Rica, Laura Fernández, u evakuua me urgjencë nga truprojat e saj të premten pasi një shpërthim u dëgjua pranë zonës ku ajo po zhvillonte një vizitë në veri të vendit.
Fernández, e shoqëruar nga ministra dhe deputetë, ndodhej në komunitetin Crucitas, pranë kufirit me Nicaragua, kur një shpërthim me shkak ende të panjohur u dëgjua në kodrat e zonës. Menjëherë pas incidentit, truprojat e rrëzuan në tokë dhe morën masa sigurie, duke nxjerrë armët për të mbrojtur presidenten.
Pamjet e publikuara nga pjesëmarrësit në vizitë tregojnë momentin kur presidentja reagon e alarmuar nga shpërthimi, ndërsa më pas shihet e shtrirë në tokë nën mbrojtjen e forcave të sigurisë.
Pas ngjarjes, Fernández deklaroi për mediat se ishte mirë dhe se nuk kishte pësuar lëndime. Ajo shtoi se pesë persona nga delegacioni që e shoqëronte, përfshirë edhe anëtarë të parlamentit, morën ndihmë mjekësore për shkak të rënies së tensionit dhe problemeve të shkaktuara nga nxehtësia.
🚨| Así fue el momento de la evacuación de emergencia de la presidenta de Costa Rica, Laura Fernández, tras escucharse una explosión mientras recorría una zona de minería ilegal cerca de la frontera con Nicaragua pic.twitter.com/VwZkYA5Yc7
— LA PRENSA Nicaragua (@laprensa) June 19, 2026
Presidentja e cilësoi incidentin si një tregues të rrezikut që ekziston në zonën e Crucitas, ku organizata kriminale dyshohet se merren me nxjerrjen e paligjshme të arit, duke shkaktuar edhe ndotje të mjedisit pranë lumit San Juan River.
Fernández ka mbështetur një projektligj që synon legalizimin e aktivitetit të nxjerrjes së arit në këtë rajon.
Ndërkohë, presidenti i Panama, José Raúl Mulino, reagoi në rrjetet sociale duke dënuar ashpër atë që e quajti një “sulm ndaj presidentes së Kosta Rikës” dhe theksoi se krimi i organizuar nuk duhet të triumfojë ndaj institucioneve shtetërore.
/vizionplus.tv
