22 Qershor 2026, 23:49
Pas raportimeve për një mjet të dyshuar shpërthyes në Stacionin e Autobusëve në Prishtinë, Policia e Kosovës ka konfirmuar se pas kontrolleve të detajuara nuk është gjetur asgjë e dyshimtë.
Zëdhënësja e Policisë për rajonin e Prishtinës, Flora Ahmeti, tha se menjëherë pas pranimit të informatës, njësitet kompetente kanë dalë në terren dhe kanë ndërmarrë të gjitha veprimet e nevojshme për verifikimin e rastit.
“Informata është trajtuar nga ana e policisë. Pas kontrolleve të kryera nga njësitet kompetente, nuk është gjetur asgjë e dyshimtë”, deklaroi Ahmeti.
Ajo shtoi se hetuesit policorë, në koordinim me Prokurorin e Shtetit, kanë nisur hetimet për të sqaruar rrethanat e plota të rastit, i cili është cilësuar si lajmërim i rrejshëm.
