LDK dorëzon ankesë në PZAP pas përfshirjes së një fëmije në tubimin e Vetëvendosjes në Vushtrri

Lidhja Demokratike e Kosovës (LDK) ka bërë të ditur se ka dorëzuar ankesë në Panelin Zgjedhor për Ankesa dhe Parashtresa (PZAP) lidhur me përfshirjen e një fëmije në një aktivitet të fushatës së Lëvizjes Vetëvendosje.

Reagimi i LDK-së ka ardhur pas një ngjarjeje të zhvilluar të dielën në Vushtrri, ku një fëmijë recitoi një vjershë para pjesëmarrësve në një tubim të Vetëvendosjes.