Drake ka hyrë zyrtarisht në histori, duke u bërë artisti mashkull solo me më shumë këngë që kanë arritur vendin e parë në toplistën “Billboard Hot 100”.
Reperi kanadez arriti këtë sukses falë këngës së tij më të re, “Janice STFU”, e cila debutoi direkt në krye të klasifikimit amerikan, duke i dhënë atij një rekord të ri historik.
Më parë, ky rekord mbahej nga Michael Jackson, i cili kishte 13 këngë solo në vendin e parë të “Billboard Hot 100”. Suksesi i legjendës së pop-it nisi me hitin “Ben” në vitin 1972 dhe vazhdoi me dominimin e viteve ’80.
Kënga e fundit e Jackson që debutoi në krye të toplistës ishte “You Are Not Alone” në vitin 1995, ndërsa rekordi i tij qëndroi për më shumë se 30 vite.
Ky triumf i ri i Drake vjen vetëm pak javë pasi artisti surprizoi fansat me publikimin e trefishtë të albumeve “ICEMAN”, “HABIBTI” dhe “Maid Of Honour” më 15 maj.
Pas dy vitesh promovimi të albumit “ICEMAN” përmes transmetimeve live dhe fragmenteve të papublikuara, Drake zbuloi gjatë një livestream-i se do të publikonte edhe dy albume surprizë në të njëjtën natë.
Secili projekt solli një anë të ndryshme artistike të reperit. “ICEMAN” u fokusua te rap-i klasik dhe përfshiu bashkëpunime me 21 Savage, Future dhe Molly Santana.
Albumi përmbante gjithashtu disa vargje të forta dhe thumbime ndaj emrave të njohur si A$AP Rocky, Jay-Z, Kendrick Lamar, LeBron James dhe Rihanna.
Ndërkohë, “HABIBTI” u përshkrua nga fansat si një rikthim te tingujt e hershëm R&B të Drake, ndërsa “MAID OF HONOUR” solli ritme elektronike dhe frymëzim nga muzika Jersey club, duke rikujtuar projektin e tij të vitit 2022, “Honestly”, “Nevermind”.
Tre albumet dominuan menjëherë toplistat muzikore, duke debutuar në vendet 1, 2 dhe 3.
Me suksesin e “ICEMAN”, Drake arriti gjithashtu albumin e tij të 15-të nr. 1, duke kaluar Jay-Z për numrin më të madh të albumeve nr. 1 mes artistëve meshkuj solo në rap dhe R&B.
Aktualisht, Drake ndan vendin e tretë për numrin më të madh të albumeve nr. 1 në histori me Rihanna dhe Taylor Swift, ndërsa para tij qëndrojnë vetëm Mariah Carey dhe The Beatles.
