Hansi Flik ka rinovuar zyrtarisht kontratën me Barcelonën. Lajmin e ka bërë të ditur vetë klubi blaugrana ku njofton se trajneri gjerman do të drejtojë skuadrën deri në vitin 2028. Marrëveshja përfshin një mundësi për ta zgjatur angazhimin deri në vitin 2029
Një rinovim mëse i merituar duke qenë se ne dy vite që ka qenë në stolin e Barçës, ka arritur të fitojë 5 trofe. Flik deklaroi para disa ditësh se tashmë ekipi do të kërkojë Ligën e Kampioneve sezonin që vjen.
Rinovimi i Hansi Flik ishte një sekret i hapur që kur Joan Laporta u rizgjodh president i Barçës në zgjedhjet e 15 marsit. Në Barcelonë, ai është bërë një model. Popullariteti i tij shkon përtej titujve që ka fituar (dy tituj La Liga, dy Superkupa Spanjolle dhe një Kupë e Mbretit). Suksesi i tij më i madh ka qenë të ringjallë entuziazmin e tifozëve, të cilët e kanë parë Flik të transformojë ekipin.
Një Barça që ka luajtur futboll sulmues, me pasion. Me një vijë mesfushe pothuajse kamikaze që u ka shkaktuar disa probleme. Por mbi të gjitha, sukses dhe kënaqësi. Në 116 ndeshjet që ka drejtuar, ai ka fituar 88, ka humbur 18 dhe ka barazuar 10. Rekordi i golave thotë gjithçka: 317 gola pro, 132 të pësuar.
Gjermani i ka zhgënjyer kritikët që dyshonin se ai nuk do ta kalonte vitin e dytë. Përkundrazi, ai do të kthehet në korrik më i fortë se kurrë. Me një ëndërr, Ligën e Kampioneve. Dhe një mandat. “Nuk duhet të bëjmë asgjë budallallëk”, paralajmëroi ai në lidhje me tregun e transferimeve. Jo vetëm për sa i përket mbërritjeve, por edhe largimeve.
