Hailey Bieber ka tërhequr sërish vëmendjen në rrjetet sociale me një seri fotografish provokuese dhe elegante të publikuara në Instagram, ku shfaqet duke shijuar momente relaksi nën diell.
Modelja 29-vjeçare dhe themeluesja e markës Rhode pozoi me bikini të ngushta, ndërsa në disa prej imazheve u shfaq edhe me një monokini me print leopardi, duke marrë menjëherë komplimente dhe reagime të shumta nga ndjekësit.
Në përshkrimin e postimit, Hailey e cilësoi karuselin e fotografive si “muaji i fundit nga kamera ime”, duke ndarë copëza nga jeta personale dhe profesionale.
Postimi nuk kaloi pa vëmendjen e miqve të saj të famshëm. Gigi Hadid, Christine Quinn dhe Candice Swanepoel ishin mes emrave që reaguan menjëherë në fotografitë e saj.
Në mesin e fotove, Hailey publikoi edhe disa detaje më personale, përfshirë një kartolinë të ëmbël nga djali i saj, Jack Blues, të cilin e ndan me bashkëshortin Justin Bieber.
Paralelisht me jetën personale, modelja ka folur edhe për suksesin e jashtëzakonshëm të markës së saj “Rhode”.
Sipas raportimeve, ajo ka refuzuar një ofertë prej 1 miliard dollarësh për shitjen e kompanisë, duke vendosur kushte të qarta për të ardhmen e biznesit.
Hailey ka theksuar se dëshiron që marka të mbetet e përballueshme dhe e aksesueshme për konsumatorët, pavarësisht rritjes së shpejtë dhe popullaritetit global që ka arritur në industrinë e bukurisë.
