Kendall Jenner ka rrëmbyer vëmendjen në festën luksoze të organizuar nga Jeff Bezos dhe Lauren Sanchez në New York, vetëm pak para zhvillimit të Met Gala.
Modelja u shfaq me një fustan të zi minimalist dhe elegant, duke u kthyer menjëherë në një nga emrat më të komentuar të mbrëmjes.
Ajo kryesoi listën e të ftuarve VIP, ku mes të pranishmëve ishte edhe nëna e saj, Kris Jenner, si dhe shumë figura të njohura nga moda dhe showbiz-i.
Eventi u zhvillua në një moment delikat, pasi përfshirja e Bezos dhe Sanchez si bashkëkryetarë nderi të Met Gala-s ka shkaktuar reagime të përziera.
Madje, sipas raportimeve, në New York nuk kanë munguar as thirrjet për bojkot ndaj eventit.
Pavarësisht polemikave, Anna Wintour ka dalë publikisht në mbështetje të tyre, duke vlerësuar veçanërisht rolin e Lauren Sanchez dhe ndikimin e saj në mbrëmje.
Met Gala e këtij viti do të mbahet më 4 maj dhe do të ketë si temë “Moda është Art”.
Si çdo vit, eventi pritet të mbledhë emrat më të mëdhenj të industrisë së modës, filmit, muzikës dhe argëtimit.
