Zayn Malik ka shqetësuar fansat në mbarë botën pasi u raportua se është shtruar në spital për një problem shëndetësor ende të paqartë.
Situata nisi të tërhiqte vëmendje më herët këtë muaj, kur këngëtari anuloi disa paraqitje promocionale të planifikuara për albumin e tij më të ri. Dyshimet u shtuan edhe më shumë pasi ai publikoi një foto nga spitali në rrjetet sociale, pa dhënë shpjegime për gjendjen e tij.
Tani ka ardhur edhe reagimi i parë nga familja.
Familjaria e artistit, Sasha Malik, falënderoi publikisht ndjekësit për mbështetjen dhe dashurinë e treguar, si edhe për përpjekjet për t’i dërguar lule. Megjithatë, ajo sqaroi se për arsye praktike, dhuratat nuk mund të pranohen.
Në vend të tyre, familja e Zayn Malik, me miratimin e vetë këngëtarit, ka bërë një kërkesë të veçantë: fansat të kontribuojnë me donacione në emrin e tij për “The Palestine Project”, përmes platformës JustGiving.
Sipas njoftimeve, fondet do të kalojnë përmes Islamic Relief dhe do të përdoren për ndihma emergjente si ushqim, ujë të pastër, strehim dhe kujdes mjekësor për familjet në nevojë në Palestinë.
Fushata bamirëse kishte si synim fillestar mbledhjen e 27 mijë paundëve, por ky objektiv është tejkaluar falë mbështetjes së mbi 800 donatorëve.
Ndërkohë, fansat po presin lajme pozitive për rikuperimin e këngëtarit, i cili pritet të nisë turneun e tij botëror në maj 2026 nga Manchester, me ndalesa në Mbretërinë e Bashkuar, SHBA, Meksikë, Brazil dhe mbyllje në Miami gjatë muajit nëntor.
