Ish-presidentja e vendit, Vjosa Osmani, ka reaguar pas sulmit të ndodhur gjatë Darkës së Korrespondentëve të Shtëpisë së Bardhë duke shprehur solidaritet me Shtetet e Bashkuara të Amerikës dhe familjen presidenciale.
Osmani ka thënë se lutjet dhe mbështetja e saj shkojnë për presidentin amerikan Donald Trump, Zonjën e Parë Melania Trump dhe popullin amerikan pas sulmit që ndodhi gjatë ngjarjes në Uashington, njofton Dukagjini.
Mes tjerash, Osmani ka theksuar besimin në qëndrueshmërinë e Shtetet e Bashkuara të Amerikës dhe institucioneve të saj, duke vlerësuar rolin e tyre si partnerë të rëndësishëm në promovimin e paqes dhe sigurisë globale duke shtuar se asnjë akt dhune nuk do ta zbehë këtë rol.
“Dërgojmë lutjet dhe solidaritetin tonë për presidentin Donald Trump, Zonjën e Parë Melania Trump dhe popullin amerikan pas sulmit të mbrëmshëm në Darkën e Shoqatës së Korrespondentëve të Shtëpisë së Bardhë. Ne besojmë në qëndrueshmërinë e Shtetet e Bashkuara të Amerikës dhe institucioneve të saj, duke mbetur partnerë të palëkundur në promovimin e paqes, sigurisë dhe stabilitetit në mbarë botën. Jemi mirënjohës për guximin e agjentëve të Shërbimi Sekret i Shteteve të Bashkuara, të cilët vepruan me shpejtësi dhe heroizëm për të mbrojtur presidentin dhe të gjithë të pranishmit. Guximi i tyre ndihmoi në parandalimin e një tragjedie kombëtare. Shtetet e Bashkuara të Amerikës mbeten mbrojtësi më i madh i lirisë dhe demokracisë. Asnjë akt dhune nuk do ta zbehë këtë rol” ka shkruar Osmani në X.
Sending prayers and solidarity to President @realDonaldTrump, the First Lady @MELANIATRUMP, and the American people following last night’s cowardly attack at the White House Correspondents’ Dinner.
We trust in the resilience of the United States and its institutions, and we…
— Vjosa Osmani (@VjosaOsmaniPRKS) April 26, 2026
