Reperja e njohur shqiptare, Tayna, sapo ka shënuar një tjetër sukses të jashtëzakonshëm me projektin e saj më të ri muzikor të titulluar “Vena”.
E publikuar sot në orën 18:00, kënga nuk ka humbur asnjë sekondë për të treguar fuqinë e saj të padiskutueshme në tregun muzikor.
Me një ritëm energjik dhe stilin e saj tashmë unik e të dallueshëm, “Vena” ka rrëmbyer vëmendjen e publikut që në momentet e para të lançimit.
Shifrat flasin vetë dhe po thyejnë rekorde me një shpejtësi marramendëse.
Brenda më pak se 18 orësh që nga publikimi në platformën e dëgjimit Spotify, dhe vetëm pak minutash pas premierës së videoklipit në YouTube, projekti ka arritur të depërtojë në tregun evropian.
Kënga ka hyrë menjëherë në top listat kryesore gjermane, një treg ky mjaft konkurrues dhe shumë i rëndësishëm në industrinë e muzikës.
Ky triumf i radhës është një tjetër dëshmi e qartë se muzika e Tayna-s nuk njeh kufij gjeografikë apo barriera gjuhësore.
Ajo ka arritur të krijojë një formulë të suksesshme ndërkombëtare, duke u kthyer në një nga artistet më të pëlqyera jo vetëm nga shqiptarët kudo që ndodhen, por edhe nga një audiencë e gjerë e huaj.
Me publikimin e “Vena”, emri i Tayna-s vazhdon të dominojë fuqishëm skenën ndërkombëtare, duke rikonfirmuar statusin e saj si një superyll i muzikës moderne.
Tani mbetet vetëm për t’u parë se cilat maja të tjera do të pushtojë ky hit i padiskutueshëm gjatë ditëve në vijim./Prive By Liberta Spahiu
