“Finalja” e mbijetesës mes Flamurtarit dhe Vorës, që hapte javën e 31-të të Superiores, nuk ka pasur fitues, pasi është mbyllur me shifrat 1-1.
Një rezultat që i ka shkuar më për shtat ekipit të Vorës që mbetet përsëri larg zonës së rënies direkte nga Superiorja, ndërsa komplikon gjërat për vlonjatët të cilët nuk i largohen dot fundit e tani rrezikojnë të humbasin edhe më shumë kontaktin me ekipet që kanë përpara në klasifikim.
Dy golat erdhën në startin e ndeshjes, ndërsa më pas Vora u mbrojt me rregull duke mos lejuar vlonjatët të sulmonin në pjesën e parë. Këta të fundit provuan gjithçka për gjithçka në fraksionin e dytë të lojës, edhe duke shtuar forcat në repartin e avancuar. Por Harizaj ishte i pakalueshëm dhe ndali tentativat drejt portës së tij për të mbrojtur këtë barazim.
FLAMURTARI-VORA 1-1
13′ Diavara / 6′ Luis Felipe
Nesër, në orën 16:00 Tirana do të përballet me Egnatian, ndërsa Vllaznia pret Teutën në orën 19:00. Të hënën, Bylis – Dinamo në orën 16:00, ndërsa Elbasani – Partizani, që luhet në orën 19:00, përmbyll kalendarin e javës.
LEXO EDHE: Liverpool nuk gabon në garën për Champions, “The Reds” mundin me dy gola Fulhamin!
