Gjatë natës së 17 dhe 18 dhjetorit 2025, nën drejtimin e një prokurori publik nga Prokuroria Themelore Publike për Ndjekjen e Krimit të Organizuar dhe Korrupsionit, nëpunës policorë nga Departamenti për Krim të Organizuar dhe të Rëndë realizuan një aksion të koordinuar në disa lokacione në Shkup dhe rrethinë, si dhe në Kumanovë, Negotinë, Veles, Pehçevë, Probishtip dhe Koçan. Në kuadër të aksionit, 11 persona u privuan nga liria.
Dje (18.12.2025), Departamenti për Luftimin e Krimit të Organizuar dhe të Rëndë pranë MPB-së paraqiti në Prokurorinë Themelore Publike për GOKK kallëzim penal kundër 33 personave fizikë, konkretisht:
B.D. (39), F.A. (40) dhe K.P. (36), të gjithë nga Shkupi, për veprat penale “bashkim kriminal” (neni 394 parag. 1), “keqpërdorim i procedurës së thirrjes publike, dhënies së kontratës për prokurim publik ose partneritet publik-privat” (neni 275-v) në lidhje me “ndihmë” (neni 24) dhe “pastrim parash dhe të ardhura të tjera nga vepra penale” (neni 273) nga Kodi Penal;
V.S. (51) nga Shkupi, për “bashkim kriminal” (neni 394 parag. 1), “keqpërdorim i procedurës së thirrjes publike, dhënies së kontratës për prokurim publik ose partneritet publik-privat” (neni 275-v) dhe “pastrim parash dhe të ardhura të tjera nga vepra penale” (neni 273) në lidhje me “nxitje” (neni 23) nga Kodi Penal;
V.K. (53) nga Probishtipi, për “bashkim kriminal” (neni 394 parag. 1), “keqpërdorim i procedurës së thirrjes publike, dhënies së kontratës për prokurim publik ose partneritet publik-privat” (neni 275-v) dhe “pastrim parash dhe të ardhura të tjera nga vepra penale” (neni 273);
B.Z. (47) nga Kumanova, për “bashkim kriminal” (neni 394 parag. 1), “keqpërdorim i procedurës së thirrjes publike, dhënies së kontratës për prokurim publik ose partneritet publik-privat” (neni 275-v parag. 3 në lidhje me nenin 23 dhe nenin 45) dhe “pastrim parash dhe të ardhura të tjera nga vepra penale” (neni 273);
D.M. (62) nga Kumanova, për “bashkim kriminal” (neni 394 parag. 1) dhe “keqpërdorim i procedurës së thirrjes publike, dhënies së kontratës për prokurim publik ose partneritet publik-privat” (neni 275-v parag. 3 në lidhje me parag. 1 dhe nenin 45).
Gjithashtu, A.M. (58), Xh.K. (30), B.N. (44), M.C. (40), B.Ç. (53), P.S. (30), L.P. (28), J.P. (40) dhe D.Z. (45), të gjithë nga Shkupi, për “bashkim kriminal” (neni 394 parag. 2) dhe “keqpërdorim i pozitës dhe autorizimit zyrtar” (neni 353 parag. 4 në lidhje me parag. 1 dhe nenin 45);
S.G. (47) nga Shkupi, për “bashkim kriminal” (neni 394 parag. 2) dhe “keqpërdorim i pozitës dhe autorizimit zyrtar” (neni 353 parag. 4 në lidhje me parag. 1);
F.Z. (46) dhe I.S. (46) nga Kumanova; Z.B. (39), A.B. (37), A.M. (40), A.M. (53), T.S. (45), Z.V. (58), B.K. (27) dhe P.J. (28), të gjithë nga Shkupi; V.S. (58) nga Negotina; B.K. (55) nga Koçani; Gj.K. (63) nga Velesi; V.K. (32) dhe S.M. (40) nga Shtipi; dhe V.T. (47) nga Pehçeva, për “pastrim parash dhe të ardhura të tjera nga vepra penale” (neni 273 parag. 1) në lidhje me “bashkëkryerje” (neni 22) nga Kodi Penal.
Gjithashtu, kallëzim penal u paraqit kundër dy personave juridikë nga Shkupi dhe Kumanova për “keqpërdorim të procedurës së thirrjes publike, dhënies së kontratës për prokurim publik ose partneritet publik-privat” (neni 275-v) nga Kodi Penal.
Të akuzuarit B.D., F.A., K.P., V.S., D.M., V.K. dhe B.Z., gjatë vitit 2023 krijuan një grup me qëllim kryerjen e veprave penale “keqpërdorim i procedurës së thirrjes publike, dhënies së kontratës për prokurim publik ose partneritet publik-privat”, “keqpërdorim i pozitës dhe autorizimit zyrtar” dhe “pastrim parash dhe të ardhura të tjera nga vepra penale”. Këtij grupi iu bashkuan M.C., B.Ç., L.P., P.S., J.P., A.M., B.N., Xh.K., S.G., D.Z., F.Z., Z.B., Z.V., I.S., A.M., V.S., B.K., Gj.K., A.B., A.M., V.T., V.K., S.M., P.J., T.S. dhe B.K., të cilët gjatë viteve 2023 dhe 2024, me qëllim përfitimi të dobisë pasurore për vete ose për të tjerë, shkelën me vetëdije rregullat e procedurës së thirrjes publike dhe dhënies së kontratave për prokurim publik ose partneritet publik-privat.
Gjatë vitit 2023, me qëllim manipulimin e procedurës, pas një marrëveshjeje paraprake dhe përgatitjes së specifikimit teknik për blerjen e “kabineteve SCADA – kabinet monitorimi me kontrollor GSM për stacion ngrohjeje” për nevojat e ESM Distribuimi i Nxehtësisë SHPK Shkup, një pjesë e anëtarëve të bashkimit kriminal, në cilësinë e personave zyrtarë, nuk e kryen detyrën e tyre zyrtare. Ata ranë dakord që në shpalljen e prokurimit publik të paraqiteshin personat juridikë nga Shkupi dhe Kumanova, ku personi juridik nga Kumanova u paraqit si operator ekonomik me ofertë me dokumentacion jo të plotë dhe me çmim më të lartë se personi juridik nga Shkupi, i cili ofroi një çmim pothuajse identik me vlerën e vlerësuar të prokurimit publik, ndonëse kjo vlerë nuk ishte publikuar në shpallje. Me këtë veprim, u mundësua që personi juridik nga Shkupi të fitojë kontratën për prokurimin e kabineteve SCADA dhe të përfitojë dobi pasurore të kundërligjshme në vlerë totale prej 400.400.000 denarësh pa TVSH, përkatësisht 472.470.407 denarë me TVSH (7.682.445 euro), në dëm të buxhetit të ESM Distribuimi.
Pas kryerjes së veprave penale të lartpërmendura, të akuzuarit V.S., V.K., K.P., F.A., B.D., F.Z., B.Z., Z.B., Z.V., I.S., B.K., Gj.K., A.B., A.M., V.T., V.K., S.M., P.J., T.S. dhe B.K., në periudhën nga viti 2023 deri në vitin 2025, me qëllim përfitimi të dobisë pasurore për vete ose për të tjerë dhe me qëllim fshehjen e origjinës, qarkullimit dhe pronësisë së mjeteve monetare të përfituara nga këto vepra penale, vunë në qarkullim, pranuan dhe transferuan mjete monetare në shumën totale prej 125.556.930 denarësh (2.041.576 euro), duke realizuar elementet e veprës penale “pastrim parash dhe të ardhura të tjera nga vepra penale”.
