Blerim Canaj, ish-diplomat, në emisionin FIVE ka komentuar listat e partive politike me kandidatët e tyre për zgjedhjet e 28 dhjetorit, duke veçuar në mënyrë të posaçme Lidhjen Demokratike të Kosovës.
Ai tha se dhjetëshja e parë e këtij subjekti politik i lë përshtypjen e kompetencës dhe profesionalizmit.
“Nëse shihet dhjetëshja e parë e LDK-së, është thjesht kompetencë. Shoh kompetencë edhe dije”, u shpreh ai.
Canaj komentoi gjithashtu edhe pozicionimin e Ukë Rugovës në listë, duke theksuar natyrshmërinë e lidhjes së partisë me figurën e Ibrahim Rugovës.
“Në anën tjetër me Ukë Rugovën, natyrisht që LDK-ja dëshiron që ta ketë atë lidhjen me Ibrahim Rugovën, që thjesht kanë të drejtë”, tha ai.
Duke folur për listën në tërësi, Canaj tha se ajo i jep përshtypjen e një përbërjeje profesionale:
“Kur i shoh kështu si listë dhe si emra… thjesht i shoh si dije dhe kompetencë”, përfundoi ai.
