Komisioni Qendror i Zgjedhjeve ka miratuar sot specifikimet teknike për shtypjen e fletëvotimeve, broshurave të kandidatëve dhe listave të votuesve për zgjedhjet e parakohshme për Kuvendin e Kosovës.
Ky dokument shërben për procedurat e tenderimit të shtypjes, ndërsa dizajni dhe numri i saktë i fletëvotimeve do të vendoset më vonë, pas certifikimit të subjekteve politike, kandidatëve dhe listës së votuesve.
Gjithashtu, KQZ ka emëruar 215 anëtarë të Komisioneve Komunale të Zgjedhjeve në 38 komunat e vendit, të cilët përfaqësojnë subjektet e ndryshme politike.
Sipas Ligjit Nr. 08/L-288 për Zgjedhjet e Përgjithshme, këto komisione administrojnë zgjedhjet brenda komunave përkatëse, nën mbikëqyrjen dhe udhëzimet e KQZ-së, duke garantuar ligjshmëri, legjitimitet dhe efikasitet të procesit zgjedhor.
KQZ miraton procedurat emergjente për zgjedhjet e 28 dhjetorit
