Izraeli ka njoftuar se do të pezullojë shpërndarjen e ndihmave humanitare në Rripin e Gazës deri në një njoftim të ri, ka thënë një zyrtar i sigurisë.
“Sipas udhëzimit të nivelit politik, dërgimi i ndihmave humanitare në Rripin e Gazës është ndalur deri në njoftimin e radhës, pas shkeljes së hapur të marrëveshjes nga ana e Hamasit,” ka deklaruar zyrtari.
Ky vendim vjen pasi ushtria izraelite e ka akuzuar Hamasin për shkelje të marrëveshjes së armëpushimit – akuzë që grupi militant e ka mohuar.
Që nga hyrja në fuqi e marrëveshjes më 10 tetor, qindra kamionë me ndihma kishin hyrë çdo ditë në territorin e Gazës.
Në gusht, ekspertë të mbështetur nga OKB-ja kishin konfirmuar se në këtë territor po ndodhte një uri e madhe, si pasojë e bllokadës së mëparshme ndaj dërgesave të ndihmave./BBC
Tre palestinezë të vrarë nga sulmi ajror izraelit në Nuseirat të Gazës
