Drejtori ekzekutiv i OpenAI, Sam Altman, tha se ChatGPT po bëhet gjithnjë e më shumë si një njeri me përditësime të reja që do të vijnë brenda disa javësh. “Ne e bëmë ChatGPT mjaft kufizues për t’u siguruar që po tregoheshim të kujdesshëm me problemet e shëndetit mendor. E kuptojmë se kjo e bëri atë më pak të dobishëm/të këndshëm për shumë përdorues që nuk kishin probleme të shëndetit mendor, por duke pasur parasysh seriozitetin e problemit, ne donim ta bënim këtë siç duhet”, shkroi ai në një postim në X.
“Tani që kemi qenë në gjendje të zbusim problemet serioze të shëndetit mendor dhe kemi mjete të reja, do të jemi në gjendje të lehtësojmë në mënyrë të sigurt kufizimet në shumicën e rasteve.” “Brenda disa javësh, planifikojmë të nxjerrim një version të ri të ChatGPT”, shtoi Altman. “Ai u lejon njerëzve të kenë një personalitet që sillet më shumë si ajo që njerëzve u pëlqen.”
Ndërkaq, OpenAI planifikon të lejojë një gamë më të gjerë përmbajtjesh, përfshirë përmbajtje erotike, në chatbot-in e saj të njohur ChatGPT, si pjesë e përpjekjes së saj për të “trajtuar përdoruesit e rritur si të rritur”, thotë shefi i saj Sam Altman. Në një postim në X Altman tha se versionet e ardhshme të chatbot-it të njohur do ta mundësonin atë të sillej në një mënyrë më njerëzore, “por vetëm nëse e dëshironi, jo sepse po e maksimizojmë përdorimin”. Lëvizja, sipas ekspertëve, mund të ndihmojë OpenAI të tërheqë më shumë abonentë që paguajnë. Ka gjithashtu të ngjarë të intensifikojë presionin mbi ligjvënësit për të futur kufizime më të rrepta.
