Ramiz Lladrovci, kryetari aktual i komunës së Drenasit, ka hedhur votën e tij në shkollën “Xhevë Lladrovci” në Gllanasellë, që është edhe vendlindja e tij.
Për ta shfrytëzuar të drejtën e tij të votës, ai ishte i shoqëruar nga gruaja e tij dhe familjarët e tjerë.
Pasi hodhi votën, Lladrovci para mediave u bëri thirrje qytetarëve që të dalin të votojnë dhe uroi që zgjedhjet të shkojnë mirë, pa asnjë problem.
Sa i përket shoqërimit nga familjarë, ai tha se “votimet bëhen për të ardhmen e fëmijëve”, andaj shkoi për të votuar me fëmijët e tij.
