Modeli i njohur Lucky Blue Smith dhe bashkëshortja e tij, influencerja e TikTok-ut Nara, kanë mirëpritur në jetë fëmijën e tyre të katërt.
Çifti ndau lajmin e gëzuar me ndjekësit përmes një postimi të përbashkët në Instagram, duke përcjellë emocione të forta dhe shumë dashuri.
Ajo është këtu! Mirë se vjen në botë, engjëll i vogël
-shkruhej në mbishkrimin e postimit. Edhe pse nuk zbuluan detaje për lindjen apo emrin e foshnjës, fotografia tregonte prindërit e rinj teksa përqafonin të porsalindurin, ndërsa tre fëmijët e tyre të tjerë rrezatonin lumturi pranë tij.
Nara dhe Lucky janë tashmë prindër të tre fëmijëve: vajzave Rumble Honey (4 vjeç) dhe Whimsy Lou (18 muajsh), si dhe djalit Slim Easy (3 vjeç).
Çifti njoftoi shtatzëninë në qershor, vetëm disa muaj pasi kishin deklaruar se nuk planifikonin më fëmijë.
Surpriza jonë e vogël
-shkruanin atëherë në një postim të ëmbël, ku Nara shfaqej me barkun e rrumbullakosur gjatë një xhiroje në natyrë.
Në korrik, Nara e njohur për videot e saj të humorit dhe gatimit, publikoi një klip në TikTok ku zbulonte emrat që nuk do t’i përdorte për foshnjën.
Si gjithmonë kreative dhe e guximshme në zgjedhjet e saj, ajo përmendi emra të pazakontë si Moss, Goody, Champ, Sundae, Silk dhe Dare për djemtë, ndërsa për vajzat përfshinte Velvet Twinkle, Button, Willow Mirror, Merit dhe Shimmer.
Me lindjen e fëmijës së katërt, familja e Narës dhe Lucky Blue Smith është bërë një nga më të komentuarat në rrjetet sociale, duke sjellë një shembull të bukur dashurie, spontaniteti dhe familjariteti modern.
