Kylie Jenner tërhoqi gjithë vëmendjen në Javën e Modës në Paris, teksa mbërriti në sfilatën luksoze të “Schiaparelli” për të mbështetur motrën e saj, Kendall Jenner.
Ajo zgjodhi një fustan elegant argjendi me xixa dhe rripa spageti, të kombinuar me një çantë reflektuese dhe këpucë stiletto, duke u komentuar gjerësisht për hijeshinë dhe shkëlqimin e saj.
Në të njëjtën sfilatë, Pamela Anderson surprizoi me një pamje të re – flokë të kuq zjarri, frymëzuar nga aktore skandinave si Liv Ullmann.
Ky transformim lidhet me përgatitjen e saj për rolin e ardhshëm në filmin francez “Love is Not the Answer”, ku do të luajë krah aktorit Steve Coogan.
Në rreshtin e parë u panë gjithashtu FKA Twigs me një look tërësisht të zi prej lëkure, David Beckham që ndaloi për të përshëndetur fansat, si dhe aktori francez Vincent Cassel me partneren e tij Narah Baptista.
Java e Modës në Paris vijon me sfilata të emrave të mëdhenj si Saint Laurent, Balmain dhe Rick Owens, ndërsa “Schiaparelli” prezantoi koleksionin Pranverë-Verë 2026, duke sjellë një kombinim të elegancës klasike me risitë teknike të modës moderne.
