Baza për suksesin e negociatave me Bashkimin Evropian është konsensusi politik, thotë në një intervistë për MIA-n, Boris Vujçiq, guvernator i Bankës Popullore kroate dhe ish-zëvendëskryenegociator i Kroacisë me BE-në.
“Ne u përpoqëm që në fillim ta kishim atë konsensus politik në atë mënyrë që të përfshiheshin aktivisht të gjitha pjesët e shoqërisë, politikisht – si pozita ashtu edhe opozita, përmes mekanizmit mbikëqyrës të negociatave, i cili ishte parlamentar, dhe gjithashtu në fillim u përfshinë edhe sipërmarrësit – shoqata e sipërmarrësve, sindikatat dhe pjesët e shoqërisë civile që supozohej të ofronin mbështetje për atë proces”.
Vujçiq për MIA-n thekson se është shumë e rëndësishme që nga fillimi të përfshihen plotësisht të gjitha palët e interesuara, në mënyrë që nëse ka ndryshim të qeverisë, pasi që negociatat zgjasin shumë, ai proces të mos ngadalësohet. E gjithë intervista së bashku me video-materialin do të publikohet nesër.
