Ndërsa dikur ishte një prej kompanive që neglizhonte me përditësimet, Samsung sot është një prej prodhuesve Android më konsistent me përditësimet e shpeshta.
Në vazhdën përditësimeve mujore që gjiganti Korean dërgon tek pajisjet e saj, më i fundit është përditësimi i muajit Korrik.
Kjo kategori përditësimesh është kryesisht e përqendruar tek ato të sigurisë. Nuk vihet re asnjë funksionalitet i ri për mbarë linjën Galaxy edhe pse disa modele specifike do të marrin One UI 6.1.1 krahas këtij përditësimi.
Samsung thotë se përditësimi i Korrikut përmban 33 rregullime për dobësie sigurie që i përkasin Samsung dhe 25 që i përkasin vetë Android.
Lista e pajisjeve që do të marrin përditësimin e Korrikut 2024
Deri në këtë moment lista e smartfonëve që po marrin përditësimin në disa rajone është:
- Galaxy Z Fold 5
- Galaxy Z Flip 5
- Galaxy S23
- Galaxy S23+
- Galaxy S23 Ultra
- Galaxy Z Fold 4
- Galaxy Z Flip 4
- Galaxy S22
- Galaxy S22+
- Galaxy S22 Ultra
- Galaxy Z Fold 3
- Galaxy Z Flip 3
- Galaxy S21
- Galaxy S21+
- Galaxy S21 Ultra
- Galaxy S21 FE
- Galaxy S20 FE
- Galaxy Note 20
- Galaxy A55
Përtej smartfonëve Samsung po dërgon përditësimin edhe në disa tabletë Galaxy. Për të kontrolluar nëse është bërë i disponueshëm për ju, atëherë navigoni në Settings > Software Update > Download and install.
/PCWorld Albanian
