“Më ka pëlqyer bionde, por…”/Miri ka një koment për flokët e bashkëshortes

Pas përfundimit të eksperiencës në shtëpinë e Big Brother VIP Albania, Miri ka ndarë disa nga përshtypjet e tij të para jashtë izolimit, duke treguar se si e ka përjetuar këtë rrugëtim dhe çfarë ndjen tani që gjithçka ka marrë fund.

Në një intervistë të shkurtër me vajzat, ai u shpreh se ndihet shumë mirë dhe i qetë, duke theksuar se është plotësisht i kënaqur me eksperiencën që ka kaluar brenda shtëpisë.

Sipas tij, çdo moment ka qenë pjesë e një rruge që e ka ndihmuar të njohë më mirë veten dhe të përjetojë emocione të forta, të cilat do t’i mbeten gjatë në kujtesë.

Një nga momentet që ka tërhequr vëmendje gjatë finales ishte edhe ndryshimi në pamjen e bashkëshortes së tij.

Miri tregoi se e kishte vënë re menjëherë transformimin e saj gjatë surprizës në natën e madhe dhe nuk hezitoi të japë mendimin e tij me sportivitet.

“Më ka pëlqyer bionde, por është shumë interesante edhe brune,” u shpreh ai, duke lënë të kuptohet se e vlerëson çdo version të saj.

Ndërkohë, i pyetur për momentin e parë pas daljes nga shtëpia më e famshme në Shqipëri, përgjigjja e tij ishte e thjeshtë, por shumë domethënëse.

Miri zbuloi se gjëja e parë që bëri ishte të përqafonte dhe të puthte vajzën e tij.