“PS funksionon me bindje të plotë ndaj liderit”, Myslymi: Nuk e kundërshtojnë Ramën sepse kanë frikë

“PS përballë PS”! Kjo është tema e kësaj të marte në studion e QUO VADIS në Vizion Plus.

E ftuar në studio gazetarja Raziela Myslymi tha se brenda Partisë Socialiste ka nisur një përçarje, por hodhi dyshime se e gjitha kjo mund të jetë edhe një skenar për të hequr vëmendjen nga çështjet e tjera të nxehta.

Sipas gazetares, reagimi i Spiropalit kundër Ramës është i vonuar, por për sa kohë gjërat i ka pasur mirë me Ramën, nuk ka folur.

Myslymi nënvizoi se PS funksionon me bindje të plotë ndaj liderit, nuk e kundërshtojnë Ramën.

Pjesë nga biseda:

Myslymi: Spiropali ka të drejtë, por është kujtuar pak vonë për ta thënë. Për sa kohë gjërat i ka pasur mirë me Ramën, nuk ka folur. Në momentin që objektivi ishte Spiropali, ajo tregoi çfarë bëhej në familjen e saj. PS funksionon me bindje të plotë ndaj liderit. Nuk e kundërshtojnë Ramën.

Borakaj: Nga frika?

Myslymi: Nga frika sigurisht. Nuk duhet të na habisë ky reagim i Spiropalit.

Borakaj: A do të ketë deputetë të PS-së që do t’i bashkohen Spiropalit?

Myslymi: Askush nuk e di çfarë po ndodh në të vërtetë brenda PS. Ka 12 vite në pushtet. Është në mandatin e katërt. Por nuk do habitesha nëse do ishte një skenar që i shërben, që i intereson Ramës dhe PS-së. Nuk po flitet më për çështjen Balluku. Nuk do habitesha edhe nëse pas disa kohësh Spiropali do të rregullonte marrëdhënien me Ramën. Herë pas here Rama ka shprehur pakënaqësi ndaj Spiropalit, se diku do e ketë shkelur ajo vijën e kuqe.

/vizionplus.tv