Neuer: Së shpejti vendos për të ardhmen

Me kontratën që skadon në fund të qershorit, Manuel Neuer nuk e ka sqaruar ende nëse do të vazhdojë të luajë për Bayern Munich përtej sezonit 2025/26. Portieri 40-vjeçar gjerman i ka thënë tashmë lamtumirë ekipit kombëtar dhe po përgatitet të ngrejë titullin e tij të 12-të në Bundesliga.

Bavarezët janë ende në garë për të shkuar deri në fund në Kupën e Gjermanisë (DFB-Pokal) dhe për të siguruar tripletën e tyre të tretë që nga ardhja e Neuer. Ndërkohë, dje bavarezët siguruan edhe gjysmëfinalet e Champions League pasi eliminuan Real Madrid.

Në lidhje me të ardhmen e tij, Neuer tha: “Do të doja të merrja një vendim sa më shpejt të jetë e mundur. Por nuk do ta bazoj në titujt që do të fitojmë këtë sezon. Idealisht, do të doja t’i fitoja të gjitha, por edhe kundërshtarët tanë kanë një fjalë”.

“Nuk kam vendosur ende, por nuk do të kalojë shumë kohë para se ta bëj të ditur vendimin për të ardhmen time. Dhe, pastaj do të kemi diskutime me klubin“, deklaroi Manuel Neuer.