Ky është trendi më cool i thonjve për vitin 2026!

Nëse jeni gjithmonë në kërkim të trendit të radhës për thonjtë, njihuni me ‘blooming gel’. Ky stil, i preferuar nga yjet e famshme, që janë të fiksuara pas manikyrit si Dua Lipa, Hailey Bieber dhe Rosalía, është ndryshe çdo herë që e provoni, duke krijuar pafund mundësi për modele unike.

Blooming gel është një formulë speciale xheli që ju lejon të pikturoni mbi një sipërfaqe që ende nuk është tharë. Kështu dizajni shpërndahet dhe zgjerohet lehtë para se të fiksohet nën llampë, shpjegon Natalia Mercedes

Ndryshe nga një manikyr klasik ku çdo vijë dhe detaj vendoset me saktësi dhe qëndron pikërisht aty ku e vendosni blooming gel krijon lëvizje. Pigmenti përhapet në mënyrë organike, duke krijuar efekte të buta dhe fluide që duken pothuajse të gjalla mbi thua. Mund ta imagjinoni si një teknikë “tie-dye” për thonjtë. Edhe nëse përpiqeni të krijoni një dizajn të caktuar, ngjyra vazhdon të lëvizë dhe të zgjerohet, ndaj rezultati final është gjithmonë pak i paparashikueshëm.

Tradicionalisht, pikturimi i thonjve lidhet me precizion, sepse vendos pigmentin saktësisht aty ku do që të formojë një figurë të caktuar, thotë Mercedes. Por blooming gel është e kundërta: ai e lejon ngjyrën të lundrojë dhe të evoluojë vetë.

Rezultatet artistike ia vlejnë, sepse përhapja e pigmentit krijon dizajne organike që mund të ngjajnë me lule, lëkurë reptili, pika akuareli dhe shumë forma të tjera kreative. Me pak fjalë, është një trend që kombinon spontanitetin me artin dhe që e bën çdo manikyr unik dhe të papërsëritshëm.