Prada ka përfunduar zyrtarisht blerjen e markës së njohur italiane Versace, duke mbyllur një marrëveshje që vlen rreth 1.3 miliardë euro (1.51 miliardë dollarë).
Njoftimi u bë të martën dhe shënon një nga transaksionet më të rëndësishme të viteve të fundit në industrinë e luksit.
Marrëveshja u nënshkrua fillimisht në prill, pasi Capri Holdings, kompania mëmë e Versace, dështoi të shitej tek Tapestry për shkak të shqetësimeve nga autoritetet ndërkombëtare të antitrustit.
Kjo situatë i hapi rrugën Pradës për të vepruar shpejt dhe për të realizuar blerjen që e kishte synuar prej kohësh.
Lorenzo Bertelli, djali i Miuccia Prada-s dhe Patrizio Bertelli-t, konfirmoi se ai do të marrë rolin e kryetarit ekzekutiv të Versace sapo të përfundojë integrimi.
Sipas tij, grupi ka qenë i interesuar për këtë marrëveshje për disa vite.
Ka pasur kontakte që gjatë COVID-it dhe edhe para përpjekjes së dështuar të shitjes te Tapestry. Kur ajo marrëveshje u bllokua për arsye antitrusti, ne u rikthyem dhe e përshpejtuam procesin
-tha Bertelli.
Versace, e themeluar në vitin 1978 nga Gianni Versace, do të bashkohet me markat kryesore të Pradës, Prada dhe Miu Miu, duke forcuar pozicionin e grupit në tregun global të luksit. Bertelli theksoi se marka plotëson dy kushte thelbësore: rrezik të ulët financiar dhe një vlerë të jashtëzakonshme ndërkombëtare.
Ajo u pasua nga Dario Vitale, ish-drejtor i dizajnit i Miu Miu, duke shënuar një epokë të re kreative për brandin.
Blerja e Versace pritet të sjellë ndryshime të mëdha në industrinë e modës dhe ta përforcojë pozicionin e Pradës si një nga grupet më të fuqishme në botën e luksit.
