28 Maj 2025, 06:44
Këngëtarja Cassie është shtruar në repartin e lindjeve në një spital në New York, raportojnë burime për PEOPLE. Lajmi vjen vetëm dy javë pasi 38-vjeçarja përfundoi dëshminë e saj katërditore në gjyqin penal ndaj ish-partnerit të saj, Sean “Diddy” Combs, ku është një nga dëshmitaret kyçe të prokurorisë.
Cassie është në pritje të fëmijës së tretë me bashkëshortin Alex Fine. Ajo ishte në muajin e 8-të të shtatzënisë gjatë dëshmisë, ku bëri disa akuza tronditëse për marrëdhënien 11-vjeçare me Diddy-n.
Këngëtarja e njoftoi shtatzëninë në një postim në Instagram më 19 shkurt. Deri më tani, ajo dhe bashkëshorti nuk kanë komentuar mbi shtrimin në spital.
