Didier Deschamps mendon se Zinedine Zidane është njeriu i duhur për të marrë frenat e kombëtares franceze në të ardhmen e afërt.
Zizu ka 4 vite i lirë, duke u shmangur nga presioni dhe stresi i punës së trajnerit pas aventurave të tij te Real Madrid, por duket gati për këtë sfidë.
Me të mbaruar Botërori 2026, Deschamps pritet të largohet përfundimisht si trajner i Francës dhe sheh pikërisht Zidane si pasues të tij.
“Sigurisht që ka shumë respekt mes nesh. Sipas meje, Zidane është një kandidat shumë i mirë. Eshtë një zgjedhje e natyrshme, thjesht nuk e di nëse ai ka interes për këtë detyrë”, ka deklaruar Deschamps për mediat franceze.
