featured

Lajçaku e Osmani takohen në Turqi, diskutojnë për zgjedhjet në veri

Emisari i Bashkimit Evropian për dialog, Miroslav Lajçak është takuar me Presidenten, Vjosa Osmani në Turqi në kuadër të margjinave të ADF2024.

Këtë e ka bërë të ditur, vet Lajçaku përmes një postimi në rrjetin social ‘X’.

Zhvillimet e fundit në dialog, në veçanti zgjedhjet në veri të Kosovës dhe takimi i fundit Kosovë-Serbi në Bruksel, kanë qenë temë diskutimi në mes të presidentes Osmani dhe emisarit Lajçak.

Osmani e Lajçaku janë takuar në Antalia të premten, në kuadër të Forumit Diplomatik.

Në Twitter, Lajçaku e ka cilësuar të dobishme bisedën me Osmanin.

“Diskutuam për zhvillimet e fundit në dialog, në veçanti për zgjedhjet në veri të Kosovës dhe takimin e fundit që e mbajtëm në Bruksel”, ka shkruar ai.

Ditë më parë në Bruksel, Lajçaku u takua me përfaqësues financiarë të Kosovës dhe të Serbisë për të diskutuar për çështjen e Rregullores së Kosovës për paratë e gatshme, që përjashton dinarin serb.

Forumi Diplomatik i Antalisë është takim i nivelit të lartë, në të cilin adresohen sfidat ndërkombëtare dhe në të cilin marrin pjesë liderë shtetesh, diplomatë dhe akademikë. Forumi i sivjetëm do t’i zhvillojë punimet prej 1 deri më 3 mars.

Lajçaku e Osmani takohen në Turqi, diskutojnë për zgjedhjet në veri

Adresa juaj email s’do të bëhet publike. Fushat e domosdoshme janë shënuar me një *

Identifikohu

Identifikohu ose krijo një llogari tani për të përfituar nga privilegjet e Press Online.al - i cili është plotësisht falas!