Presidenti serb, Aleksandar Vuçiq, mori pjesë në një pritje në Nju Jork të organizuar nga kancelari gjerman Olaf Scholz me rastin e 50 vjetorit të anëtarësimit të Gjermanisë në OKB.
Vuçiq po qëndron në Nju Jork, ku do të marrë pjesë në sesionin e 78-të të Asamblesë së Përgjithshme të Kombeve të Bashkuara.
“Një takim “të përzemërt” me kancelarin gjerman Olaf Scholz, shfrytëzuam rastin për të shkëmbyer mendime mbi situatën aktuale gjeopolitike, rolin dhe rëndësinë e OKB-së në botën e sotme, por edhe për kontributin që ne si vende anëtare mund të japim në zgjidhjen e sfidave ekzistuese globale. Ne u pajtuam që sesioni i 78-të i Asamblesë së Përgjithshme të OKB-së është një mundësi e shkëlqyer për liderët botërorë që të takohen dhe të diskutojnë hapur për problemet reale me të cilat përballemi. I kam përsëritur ftesën kancelarit Scholz ta vizitojë Serbinë, në mënyrë që të shqyrtojmë më thellë të gjitha çështjet e rëndësishme në mes të dy shtete tona”, ka shkruar Vuçiq në Instagram./Paparaci.com