Krimet Ekonomike arrestojnë tre persona, zbardhen dyshimet ndaj tyre

featured

Krimet ekonomike të Policisë kanë arrestuar të martën tre persona të dyshuar për keqpërdorim të pozitës apo autoritetit zyrtar dhe vjedhje e pyllit.

Me vendim të prokurorit, ata janë dërguar në mbajtje për 48 orë.

Policia, tha se në Muqivërcë ka ndaluar dy kamionë të cilët po transportonin masë drusore për ngrohje, dokumentacioni përcjellës i të cilëve kishte rezultuar i dyshimtë.

Sipas njoftimit, “për shkak të dyshimeve për veprën penale “Keqpërdorim i pozitës apo autoritetit zyrtar’, prokurori kujdestar ka urdhëruar që nga pylltari përgjegjës, përkohësisht të sekuestrohen dy kamionët me masë drusore, ndërsa nga shitësi i tyre të sekuestrohen vendimet e lejes për prerje të druve, deri në verifikimin e gjendjes faktike”.

“NJHRKEK-Gjilan ka kryer veprime hetimore/operative, dhe kanë arritur të sigurojnë dëshmi se i dyshuari RR.G., m/k (1967) me qëllim që vetes ti sjellë përfitime pasurore është përfshirë në veprën penale “Keqpërdorim i pozitës apo autoritetit zyrtar” duke lëshuar dokumente fiktive (fletëpërcjellje) dhe duke ua mundësuar të dyshuarve A.SH. m/k (1969) dhe H.SH., m/k (1963) bartjen e drunjëve me dokumentacion jo të rregullt, ku ndaj këtyre të fundit është iniciuar rasti “Vjedhja e Pyllit””.

“Sot me datën 19.09.2023, tre të dyshuarit janë intervistuar ne prezencën e avokatëve, ku pas intervistimit me aktvendim të prokurorit, të dyshuarit janë dërguar në mbajtje për 48 orë. Policia e Kosovës mbetet e përkushtuar, në luftimin e të gjitha dukurive ilegale në vend”, njofton Policia.

Krimet Ekonomike arrestojnë tre persona, zbardhen dyshimet ndaj tyre