Kryetari i BDI-së Ali Ahmeti porosit se çështja për ndryshimet kushtetuese kërkon qasje serioze dhe bën thirrje që të përfshihen bullgarët në Kushtetutë me qëllim të vazhdimit të procesit të integrimeve evropiane.
Ahmeti shprehet i bindur që vendi do të jetë anëtar i BE-së, dhe se deri në nëntor Kushtetuta të jetë e ndryshuar.
“I gjithë aktiviteti, kombëtarë e ndërkombëtarë, bëhet para zgjedhjeve, deri në nëntor, Kushtetuta të jetë e ndryshuar. Ndryshimet do të bëhen, ne do të jemi anëtarë fuqiplotë në BE sepse shërbim më të madh kombit shqiptar e maqedonas, e çdo patrioti, nuk mund të i bëjmë sesa anëtarësimi në BE, dhe nuk duhet shkuar me defetizëm, me dy mendje”, ka deklaruar lideri i BDI-së – Ali Ahmeti në intervistë për TV21, përcjell PRESSonline.al