Një burrë ka vdekur të shtunën në QKUK pasi kishte pësuar lëndime të rënda trupore, sepse sipas Policisë, i njëjti u godit nga një veturë në lëvizje.
Aksidenti ka ndodhur të premten kur viktima u tha se kishte zbritur nga kamioni me të cilin po udhëtonte për të rregulluar një ngarkesë në rimorkio.
Rasti kishte ndodhur në fshatin Novolan të Vushtrrisë, rreth orës 09:00.
“Viktima është dërguar për trajtim mjekësor, ndërsa më 09.09.2023 i njëjti ka ndërruar jetë në QKUK”, tha Policia.
“Me vendim të prokurorit trupi i pajetë është dërguar për obduksion, ndërsa i dyshuari është arrestuar dhe dërguar në mbajtje”.
