Deklarata për të pagjeturit e nënshkruar më 2 maj në Bruksel nga Kosova dhe Serbia, obligon palët të bashkëpunojnë në zbardhjen e fatit të të zhdukurve nga lufta e fundit.
Një gjë e tillë është mirëpritur nga Fondi për të Drejtën Humanitare.
Palët mes tjerash janë zotuar të vënë në dispozicion të gjitha dokumentet, urdhërat, video e audio incizimet e po ashtu edhe dokumentet e klasifikuara për të ndihmuar këtë proces.
Sipas Fondit dokumentet e tilla mund të shfrytëzohen edhe për nisjen e hetimeve për krime lufte. Megjithatë kjo mund të paraqesë probleme në procesin e gjurmimit të të zhdukurve.
Me anë të deklaratës së përbashkët Kosova dhe Serbia zozohen në ndriçimin e të zhdukurve gjatë luftës në periudhën 1 janar 1998 deri më 31 dhjetor 2000.
Top Channel
