Rusia nisi një valë sulmesh ajrore me dronë dhe raketa në qytetet e Ukrainës herët këtë mëngjes, ndërsa Moska përgatitej për festën e saj të Ditës së Fitores në Luftën e Dytë Botërore.
Rreth 16 sulme me raketa shënjestruan rajonet Kharkiv, Kherson, Mykolaiv dhe Odesa, plus 61 sulme ajrore dhe 52 raketa në zonat e populluara dhe pozicione ushtarake, tha shtabi i Përgjithshëm i Forcave të Armatosura të Ukrainës.
Civilë janë vrarë dhe plagosur, sakaq dëmtime ka pasur edhe në ndërtesa dhe shtëpi të larta, tha ushtria. Kryetari i bashkisë së Kievit tha se 5 persona u plagosën në kryeqytet pasi një depo karburanti, makina dhe infrastruktura civile u dëmtuan.
Ukrainasit në Odesa u zgjuan nga rreth 8 raketa lundrimi të lëshuara në rajon gjatë natës, sipas zëdhënësit të forcave ajrore të vendit, Yuri Ihnat.
Ndërkohë që disa nga raketat e epokës sovjetike ranë në det, të tjera shkaktuan shpërthyerjen e zjarreve në një depo ushqimore dhe objekte rekreative në bregun e Detit të Zi, tha komanda operacionale e Ukrainës.
Top Channel
