Suksesi numër 20 në histori për Real Madridin në Kupën e Mbretit! Blancos triumfojnë në finale, duke mposhtur Osasunën 2-1. Mjaftojnë 109 sekonda që merengët të kalojnë në epërsi: Vinicius shpik majtas, qendron dhe gjen në zonë Rodrygon, i cili firmos golin e 1-0 në minutën e 2-të. Osasuna nuk e la veten të rrëzohej nga goli i skuadrës së Ancelottit, përkundrazi reagoi brenda pak minutash.
Pjesa e parë ishte shumë argëtuese, me raste nga të dyja palët. Në minutën e 24-ët tenton edhe Benzema, i neutralizuar nga Sergio Herrera. Dyzetë e pesë minutat e para u mbyllën me Realin me një gol avantazh, por me kundërshtarët tejet të gjallë dhe në lojë.
Edhe në fillimin e pjesës së dytë, skuadra e Arrasate doli në fushë pa frikë, duke kërkuar shpesh Budimir brenda zonës së rreptësisë. Në minutën e 58-të erdhi goli i barazimit, me Lucas Torró i cili shënoi 1-1 me një goditje të bukur nga jashtë zonës.
Pas golit të barazimit, Blancos nisën të shtypin gazin, me skuadrën e Pamplonas që mbyllet në gjysmën e saj. Mbrëmja e artë e Rodrygos u finalizua në minutën e 70-të, kur braziliani shënoi golin e 2-1 me një goditje, pas përfundimit të kundërshtuar të Kroos. Rojillos nuk u stepën dhe vazhduan të luftojnë, por në fund është Real Madridi ai që triumfon. Janë 20 Kupa të Mbretit të ngritura nga Merengues në historinë e tyre (fitorja e fundit daton në 2014). Ëndrra e Osasunas shuhet pak hapa larg vijës së finishit, pasi dalin të mposhtur në një finale historike.
