Rijaseti i Bashkësisë Fetare Islame, tashmë një kohë të gjatë nuk mban mbledhje për të diskutuar çëshjtje të caktuara sipas Regullores së BFI-së. Kjo, nga burimet jozyrtare për TetovaSot, vjen si pasojë e mungesës së votave dhe pakënaqësisë ndaj Reisit z. Shaqir Fetahu.
Sipas po të njëjtave burime, në një Regullore të BFI-së, e cila ngelet Top Sekret, shënohet se pas mbushjes së moshës së pensionimit të çdo Reisi, i njëjti duhet të ri-konfirmojë pozicionin e tij nëpërmjet votimit në Rijaset. Edhe pse disa javë më parë Reisi i BFI-së Shaqir Fetahu ka mbushur moshën e pensionimit, ai nuk ka thirur mbledhjen e Rijasetit për të konfirmuar pozicionin si Reis i BFI-së.
Me të drejtë, besimtarët islam në Republikën e Maqedonisë së Veriut pyesin se pse BFI-ja është e mbushur plot me skandale, pse në këtë institucion më të lartë fetar në vend nuk ekziston transparenca, pse nuk bëhen publike Regulloret e BFI-së, apo edhe pse nuk shqyrtohen çështje të rëndësishme në mbledhje të Rijasetit.
Këto dhe shumë pikëpyetje të tjera janë duke e shoqëruar BFI-në për një kohë të gjatë, që fatëkeqësisht çon në dëm të imazhit të këtij institucioni fetarë dhe në ulje të besimit në vendimet dhe punët e këtij institucioni./TS
