Banorë të fshatit Karizha në Rusinë qendrore, u mblodhën sot në të Shtunën e Shenjtë për të celebruar Eukaristinë në kishën e tyre ortodokse të shekullit të 18-të.
Mes dëshirave kryesore të shprehura nga besimtarët ishte fundi i luftës, teksa peshkopi tha se simpatia shkon e popullin e Ukrainës dhe të Rusisë, per situatën ku ndodhen.
Peshkopi i kishës së Karizha, Andrey Lobashinski, shtoi se populli i Ukrainës dhe i Rusisë po përjeton gjëra të papritura e të pakuptueshme.
“Populli i Ukrainës dhe i Rusisë po përjeton gjëra të vështira që nuk akomodohen me besimin tonë te e mira dhe te Shpëtimtari”, tha Lobashinski.
“Kjo nuk është hera e parë që ata e shikojnë njëri-tjetrin me urrejtje por ne e dimë se kohët e tilla do të kalojnë dhe se Zoti mbretëron në paqen që ne e gjejmë”.
“Sepse vetëm njerëzit mund ta gjejnë veten e tyre në paqe e dashuri”, shtoi peshkopi.
Besimtari vendas Nikolay Anzilevski, tha se dëshironte vetëm fundin e luftës.
“Nuk i njoh mirë lutjet, por dua vetëm që lufta të mbarojë, shpresoj që gjithçka e keqe të përfundojë teksa ne presim këtu për Zotin”.
Besimtarja vendase Anastasia Uvarova, shtonte: “Kjo është një ditë gëzimi ku të gjithë presin që Jezusi të jetë me ne, dhe në fakt pas disa orësh ai do të jetë me ne”.
Dita e Eukaristit nga greqishtja përkthehet në “falënderim” dhe festohet mes të tjerash me oferta buke e vere.
Kisha ortodokse celebron Eukaristin sipas zakoneve Bizantine duke iu referuar si një Liturgji, siç janë shumica e ritualeve publike kristiane të lutjes.
Top Channel
