featured

U kap në Bali me kokainë në çantë, 19-vjeçarja mund të ekzekutohet me pushkatim

Një vajzë adoleshente mund të ekzekutohej me pushkatim, pasi u kap duke kontrabanduar drogë në Bali.

Shtetasja braziliane Manuela Vitoria de Araujo Farias, 19 vjeçe, u kap me tre kilogramë kokainë në bagazhin e saj teksa mbërriti në Bali, një ishull turistik në Indonezi, në fillim të këtij viti. Vajza e re u arrestua në Aeroportin Ndërkombëtar të Balit, pasi kishte kaluar aeroportin në Brazil dhe Katar.

Duke qenë në paraburgim për tre muajt e fundit, pasi u akuzua për trafik ndërkombëtar droge, prokurorët javën e kaluar kërkuan që e reja të merrte dënimin maksimal të mundshëm nëse shpallej fajtore.

Sipas ligjeve të ashpra të Indonezisë kundër drogës, ajo mund të përballet me ekzekutimin me pushkatim ose me burgim të përjetshëm, nëse dënohet për trafikim.

Prokurorët i thanë gjykatës se Farias, po punonte qartë me bandën e drogës, ndërsa avokati i saj pretendon se adoleshentja ishte mashtruar nga njerëz që ajo i besonte.

Thuhej se 19-vjeçarja, e cila shiste të brendshme dhe parfume për të jetuar, kishte jetuar midis Santa Catarina në Brazil.

Avokati i Farias, Davi Lira da Silva, pretendon se ajo u mashtrua, pasi banda që e punësoi i tregoi asaj për tempujt në ishull, ku luteshin për të sëmurët. Nëna e Farias së fundmi kishte pësuar një goditje në tru dhe avokatët e saj, thonë se ajo do të kërkonte lutje budiste për një kurë.

Avokati gjithashtu pretendon se banda kishte premtuar se do të paguante për mësimet e saj që ishte një surfiste e apasionuar, pasi ajo të mbërrinte në vend.

Familja e Farias ndërkohë njoftoi se kanë ngritur një fushatë për të mbledhur para, që të punësojnë një  ekspert të drejtësisë ndërkombëtare, për t’u përfshirë në këtë rast.

Çështja u shty dhe do të rifillojë në fund të këtij muaji. Hetimet thuhet se po vazhdojnë për personat që Farias pretendon se i dhanë asaj drogën.


Top Channel

U kap në Bali me kokainë në çantë, 19-vjeçarja mund të ekzekutohet me pushkatim

Adresa juaj email s’do të bëhet publike. Fushat e domosdoshme janë shënuar me një *

Identifikohu

Identifikohu ose krijo një llogari tani për të përfituar nga privilegjet e Press Online.al - i cili është plotësisht falas!