Meta mund të ofrojë një alternativë të Twitter ngjashëm me Mastodon në të ardhmen sipas MoneyControl dhe Platformer.
Gjiganti i rrjetit social raportohet se është në fazat e apra të zhvillimit të një aplikacioni me emrin e koduar P92 që lejon përdoruesit të postojnë përditësime me tekst dhe do të mbështetë protokollin e rrjetit social të Mastodon quajtur ActivityPub.
Meta konfirmoi se një rrjet social i decentralizuar është në punim ndërsa u shprehën kështu për dy publikimet:
“Jemi duke eksploruar një rrjet social të decentralizuar për publikimin e përditësimeve me tekst. Ne besojmë se ekziston mundësia për një hapësirë ku krijuar dhe figurat publike mund të ndajnë përditësime rreth interesave të tyre.”
P92 do të ketë brendin e Instagram dhe përdoruesit mund të regjistrohen apo kyçen duke përdorur kredencialet e Instagram sipas burimeve. Profilet e përdoruesve do të popullohen me të dhënat e Instagram.
Por bazuar në produktin që MoneyControl shikoi, ndarja e të dhënave mes Instagram dhe P92 do të jetë minimale pas regjistrimit.
Duke qenë se është i decentralizuar, përdoruesit mund të kenë serverët e tyre dhe rregullat e tyre për moderimin e përmbajtjeve. Aplikacioni gjithashtu do të lejojë përdoruesit të transmetojnë postimet e tyre tek serverët e tjerë por mbetet për tu parë nëse përdoruesit nga serverë të ndryshëm mund të ndjekin njëri-tjetrin.
Meqenëse mbështetet mbi ActivityPub, njerëzit me shumë gjasa presin që të jetë i shkëmbyeshëm me Mastodon dhe aplikacione të tjera të decentralizuara. /PCWorld Albanian